Kuo mes įdomūs pasauliui?

Vėsks aple lėnus: lėnū paruošėms druobiems austė (žemaitėškā)

Gerus lėnus, nu mintovu išbrauktus, dar liuob perbrauktė so mintovaas arba brauktovė. Per reta (retaas dontim) iekeli lėnus liuob iššokoutė, pu tuo sosoktė i gryžolės irpadietė kelėms metams untitruobuos ar klietės, ka lėnaa išsės tuo vietom, pasėda rytom smolkė plaukelee. Tumet pėrmo per retas, vo paskiau per tonkės iekelės liuob lėnus iššokoutė. Pu tuo tuokius lėnus liuob iššokoutė so šerėnio šokoujemo šepetio, supintė i pynelės, išvirintė vundėnie, išdžiovintė. Tumet idies i švari grūstuvi, katrame liuob spėrgėnė krioštė, ir so bakmalio geraa pamos. Pu tuo išims iš grūstovės, ištemps, ir per smulki iekeli ar so galvuos šokoujemo šepetio iššokous ir sudies talkuom. Jou geriau liuob iššokous, jou pluonesnė druobė liuob išaus ir jou spindontiesnis audeklą rašts liuob būtė.
Tuokės druobės liuob austė puonams, konėgams, bajuorams ir puoniuos kraitiou.

Papasakuojė P. BRAZDEIKIENE ir O. MICKEVIČIENĖ iš Žemaltiu Kalvarėjės
1956 metu spalė 19 dėina ožrašė J. Mickevīčė